陽光普照.......仲好熱添.......
今日開始要搵西裝做~~~
上網搵到Robert介紹既鋪頭電話，
但問到已經無幫人做衫.........
lunch就去左附近一間問，
有得做，大約R1400，
Caroline話問多兩間先~~~
收工去多兩間，但兩間都收左鋪.......
到依家仲好難理解，鋪頭會收五點......
抄左電話聽日先問~~~~
返到樓下都問左間鋪，但只賣現貨，
試過一件都arm身，而且料款都幾好，
但睇睇個價，成R4000.......
如果真係要做既話，師傅都要收R5000.......
R4000.....如果日日著都可能考慮下.......

下畫開始頭赤手軟腳軟........又想病......？
返到屋企仲嚴重左，食埋尋日d隔夜粥.......
夜d食左兩粒藥沖個熱水涼好返d，
不過都11點就訓，聽日有好多野做.......

經過星期一既案件，
一週心情只由惡劣稍微回升至麻麻......

Steve阿曼公幹完，而Murray返黎一星期，
Chad因為咁而準時左返工，
連收工都留多半個鐘先走......
以為佢唔會做呢d 門面野........

阿邪開始定名單，Anna、Bonnie、Leo都會請，
而Bonnie會做埋姊妹添，
唔識打扮既佢，其姊妹look完全想像唔到..........

星期五三點全公司過左PastaFactory食野，
叫做又歡送Murray~~~~~
Warren臨走時約我聽日去佢屋企附近，
有個Music Festival睇~~~~
食到飽，夜晚果餐又慳返~~~~~~

星期六兩點出門口，但一直都好猶疑去唔去.....
夜左唔搭得火車，因為太危險.........
去到miss左落車，遲一個站先落行返轉頭，
不過好近，十零分鐘就返回False Bay
約好Chad呢度等，佢就話黎緊........
我搵到Warren去埋佢屋企，足足大半個鐘後，
Chad先話黎到附近..........
唔計返工，每一次約佢都唔會準時.........

但Warren可能搞錯左，搵唔到任何Music Festival係附近
不過就係Warren屋企對面，有個湖可以釣魚.........
搵日一定要試下，但首先要買到架生.......
坐返Chad車返屋企，今日有少少老跣既感覺~~~~~

星期日訓到十二點，梳洗後就落街(笛)米煲粥~~~~~~
收到Robert既reply，係覆返我問佢邊度做西裝
約好聽日Caroline收工一齊去睇睇~~~~~~
仲有個幾月，應該唔會遲啦~~~~~

夜晚好大風，閂埋窗又吹到勒勒聲...........

鬧鐘未響已經醒左......
返到公司門口見到Caroline，
佢已經知哂我發生咩事，
因為差館已經打過黎公司搵我.......
覆返尋日既案發時間，因為要翻查錄影帶.....
但又問我個疑犯咩樣...........
除左個最大特徵無左一兩隻牙外，
我話其餘口供上有紀錄......

Caroline借左個舊電話俾我用，
咁就唔使呢度買，點都返香港買化算~~~

雖然有左電話，但收工都係樓下買鬧鐘，
Funny Clock.....真係夠哂Funny......
鬧鐘針撥去七點，六點七就會響..........

從來我都無乜興趣玩Facebook D 星座運程，
而且唔少同我同月同日生日既人都會玩，
睇到佢地玩既結果就等於我玩一樣......
今日Facebook度，
又見到同月同日既人玩今日運程.....
結果係20%Lucky......原來係有玄機.........

放工時行返屋企時，半路迎面有一個人行埋黎，
呢個人唔係第一次遇到.......
佢一路跟住乞我錢，一路不停拍我膊頭，
趕佢唔走就俾佢R2，但仲唔願走
我俾多R1佢先走.......但我行多幾步覺得有d唔妥，
發現我背囊咩帶上既電話唔見左......
肯定係用手拍我時偷左......我即時轉身追.....
見佢轉入松鼠路，但佢已經跑到好遠......
我一直追到佢左轉之後唔見左.........

我係公園內兜圈搵佢不果，遇到CCID既實Q就同佢講
同佢地周圍搵都唔見，之後係Long Street上左車，
佢地車我去差館報案.......
差館坐左陣就同我落口供..........
佢地話松鼠路有閉路電視，佢地會翻查該時間片段~~~
搞到七點半先離開差館.........拿拿聲返上Gardens買鬧鐘......
但Pick n Pay無鬧鐘，其他鋪又收哂.......
係Pick n Pay走時撞到Gareth，同佢講左發生咩事
至少聽朝起唔到身，佢都知我咩事.....

返到屋企一肚氣.......食少少野就搞埋阿邪張咭~~~~~
send埋個message去Caroline Facebook，
講定今晚無鬧鐘，有機會唔知醒.........
但事後先諗返，點解唔直接send 去佢公司email？
可能我太慶諗唔到野..........

較左隻手錶alarm........但佢細聲又響得短......
唯有早少少訓..........

訓上床仲好慶........完全撻著哂~~~~
咁多年既電話無哂，唔少人除左電話就無其他聯絡方法.....
突然感覺被迫左放棄好多野........

真係唔好俾再撞到佢，我都係爛命一條，
唔會理咁多，我一定會郁佢~~~~~

尋晚好早訓，但都訓到12點~~~
好返好多，不過仲未清哂.........

趁今日有時間，落街買紅蘿蔔同粟米後，
返上黎煲四寶素珍湯~~~~
煲到五點幾飲得，食埋d湯渣好飽，
夜晚果餐又唔使諗慳返~~~~~~
不過四人分量一晚真係飲唔哂.......
擺入雪櫃聽日再飲~~~~~

仲有兩包湯包，十一月尾到期~~~~
記得既話應該煲得切既.........

夜晚臨訓前覺得好返哂，但都o拍多兩粒藥先訓，
一個人住唔想有咩病痛........尤其係呢度~~~~
唔係死左都無人知......

早少少起身做功課，但好快就做完....
落街買完野就等Ilse黎上堂~~~~

今日Ilse無帶個女仔上黎，
話個女仔(阿Ling)要工作黎唔到~~~~
上緊堂時佢講同阿Ling補習係經中介，
而同一時間幫四個人補習，
但佢話只收中介人R90個鐘，
但阿Ling就要俾R200以上.......而且仲要X4
食水好深......所以阿Ling一個禮拜只可以補兩個鐘.....
咁我話妳可以帶埋佢黎，我share俾佢唔收錢，
Ilse話佢唔可以私下搶中介人生意.....
我話佢又唔使俾錢，妳帶佢出去(玩)之嘛，無事喎~~~~
咁Ilse都話好，下次問下阿Ling先~~~~~
不過下星期六休息一週，Ilse個女結婚~~~~~

晏晚愈黎愈手軟腳軟，仲有d頭赤.......
夜晚食完野仲嚴重左..........
食左兩次藥，十一點零就上床訓覺~~~~~

今日Chad返到黎死哂狗......
一如所料，尋日佢想告人遇到麻煩~~~
首先唔理告唔告得入，都要俾幾千蚊律師費先
而且佢問過好多人，打得贏既機會好低，
輸左仲要俾堂費，並沒收學神牌........

佢半日不停打電話，最後佢阿媽有個律師朋友肯幫佢，
好似話唔收錢，而且話有打過同樣case成功過，
佢即刻好似已經贏左咁開心哂周圍同人講~~~~
之前佢有咩事都同全公司講，好似上次佢失戀咁~~~
全公司都知，但係由佢把口聽返黎~~~~
係佢可能仲細，抑或外國人比較無所謂？
香港人好少會將私事公諸於世....至少我唔會~~~~~~

夜晚食完野飲多幾杯，12點零頂唔順上床訓覺
聽朝先起身做功課~~~~

上晝揀完相，就交一部份俾Aaron cut out......
之前俾佢既練習，今日終於可以發揮~~~~
速度上當然仍然唔會有所期待~~~~~

Lunch後又有GAB mockup，
又係d名不經傳既Local品牌.....呢類就最麻煩....
因為唔會search到任何有關廣告圖片.......
即係要幫佢design埋廣告.......
呢個都算還好，仲有個web site可以cap下圖.......
但今日有d頭赤赤，五點後先做好~~~~

Chad今日無返，話去差館追數........
因為上星期炒車，而因為Chad無車牌，
保險可能唔肯賠，對方都話肯私下賠錢，
但尋日對方反悔唔賠，所以Chad就走去報警........

Chad本身已經無牌駕駛，上次差人放佢一馬，
今次佢又因為呢件事去報警........
即係 [無牌駕駛者控告對方逃避車禍賠償責任]......
係咪好矛盾呢？
若然警方受理，照理應該控告埋Chad無牌駕駛喎..........

我同Caroline傾，佢都唔肯定，但都話唯有一試.......
呢通呢度既司法制度真係咁兒戲？

同阿邪研究緊搵印廠既時候，阿偉就蒲頭
佢亦都有印廠介紹~~~~~
阿邪就send左去問報價等覆~~~
而尋晚我整既印章，係類似阿邪想要既野，
等有齊哂資料，就可以砌正稿~~~~

聽阿偉講，大May都承認今次係勞氣所以搞成咁.....
阿偉總算鬆口氣............

呢排返工放工路上，行到左閃右避........
多左好多馬屎，一程路至少有三四堆.......
而且隔日就有refill.......
雖然草食動物既屎同固體枯草差唔多，
但唔會樂意踩上去吧？

我問Caroline點解d騎警呢排成日出巡？
佢講笑話D馬周圍痾，咁樣可以制造多d就業機會......

同Caroline傾開，話Aaron & Delan聖誕時會返老家，
但老婆Lydia唔返，我就衰衰格咁話：
呢個可能係好機會，Debo去Zimbabwe同Aaron幽會~~~~
Caroline話有機會問下Debo聖誕會去邊先~~~~
咁認真？我講下咋喎.......

今日又見到Aaron & Debo二度同一時間online幽會，
第二次見到時，我同Caroline講，Caroline話已經問左Debo，
Debo話連下星期去邊都未知.........聖誕更加唔知.......
我話就算Debo諗住去，佢都唔會俾任何人知啦，
甚至佢錫既Delan都唔會見，秘密入境私下幽會就算.......
更何況我地？上次Caroline問過Aaron依家同Debo點？
Aaron都話已經無哂關系.......
但我依舊隔日就見佢地同步online offline，
原本唔關我事，但好多時Aaron都會雞我兩句，
但真係兩句........主要say個hi，之後就goodnight.......
做咩姐？想話俾我知佢上網吧唔係只為Debo？

上星期公司我仲見到Debo要Aaron收MP3，
PS I LOVE YOU，我離遠瞄到email，
話首歌就代表佢心聲云云.....真係犀利.......
唉，我心諗不如接Aaron過法國住啦........
Debo唔介意既話最好接埋Delan添~~~~
早D放生Aaron老婆Lydia，我覺得呢個先係Happy Ending......

阿邪張咭仔，我應該會跟哂全份稿，
不過公司無中文字款，好彩返到屋企仲搵到，
聽日帶返公司試下裝唔裝到先~~~~~~